Праект па арганізацыі 6-га школьнага дня
Актуальнасць
У шосты дзень тыдня навучэнцам нашай установы адукацыі прапаноўваюцца розныя мерапрыемствы, накіраваныя на ўмацаванне іх фізічнага і маральнага здароўя, інтэлектуальнага развіцця і асобаснага станаўлення. Выхоўваць дзяцей на слаўных традыцыях свайго краю – адзін з прыярытэтных накірункаў шостага дня. Толькі з вяртаннем памяці мінулага можна пачаць пошук шляху ў будучыню. Наша Лідчына, край з багатай тысячагадовай гісторыяй, дае велізарную магчымасць для далучэння да духоўнай спадчыны сваіх продкаў. Бо без пачуцця малой радзімы няма і вялікага патрыятызму. І выхаванне грамадзянскасці пачынаецца з роднага парога, з тых месцаў, дзе ты нарадзіўся і вырас.
У кожным дзіцяці жыве стваральнік. Таму азнаямленне з навакольным светам неабходна звязаць з яго паляпшэннем, толькі тады дзеці вырастуць дастойнымі грамадзянамі сваёй Айчыны. Гэта адбываецца ў працоўнай дзейнасці - актыўным узаемадзеянні са светам, яго пераўтварэнні. Змест працоўнай дзейнасці дзяцей абумоўлены, з аднаго боку, іх запатрабаваннем ў актыўнасці, творчасці, імкненні што-небудзь рабіць сваімі рукамі; з другога боку, неабходнасцю фарміравання актыўнага, дзейнаснага стаўлення да свету, найбліжэйшага асяроддзя.
Шосты дзень тыдня разглядаецца як магчымасць умацаваць сваё здароўе, даць дзіцяці дадатковыя веды і развіць здольнасці.
Таму праект “Лепшы дзень тыдня” мае значэнне для рашэння шэрагу выхаваўчых і сацыяльных праблем у масштабе установы адукацыі. Школа, дзе разумна і творча арганізаваны вольны час дзяцей, становіцца домам радасці, у якім добра ўсім: дзецям, настаўнікам, бацькам.
Мэта праекта
Стварэнне ўмоў для павышэння ўзроўню матывацыі актыўнасці навучэнцаў у шосты школьны дзень шляхам аптымальнай арганізацыі вольнага часу.
Задачы праекта
- удасканальваць арганізацыйныя формы разнастайнай дзейнасці навучэнцаў (гульнявой, працоўнай, інтэлектуальнай, фізкультурна-аздараўленчай і спартыўна-масавай) у пазаўрочны час з улікам прыярытэтных накірункаў выхаваўчай работы;
- забяспечыць умовы для здымання псіхалагічнага напружання, стрэсаў у дзяцей, педагогаў і бацькоў;
- арганізаваць сацыякультурную прастору шостага школьнага дня з улікам рэсурсаў соцыўма.
Удзельнікі праекта: дзеці, бацькі, педагогі
Прынцыпы рэалізацыі праекта
- прынцып гуманістычнай арыентацыі выхавання;
- прынцып сацыяльнай адэкватнасці выхавання;
- прынцып інтэграцыі і дыферэнцыяцыі;
- прынцып эўрыстычнага асяроддзя.
Срокі рэалізацыі праекта: 2017/2018 н.г.
Этапы рэалізацыі праекта
1этап – арганізацыйны (верасень 2017 года)
2 этап – асноўны (кастрычнік 2017 – май 2018 года)
3 этап – дыягнастычны (канец мая 2018года)
4 этап – рэфлексіўна – ацэначны (чэрвень 2018 года)
Асноўныя накірункі выхаваўчай работы ў шосты школьны дзень
- фізкультурна-аздараўленчы і спартыўна-масавы;
- працоўна – экалагічны;
- грамадзянска-патрыятычны і ідэйна-маральны;
- інтэлектуальны;
- работа з бацькамі.
Чакаемы вынік
- павышэнне ўзроўню выхаванасці навучэнцаў;
- умацаванне фізічнага здароўя;
- развіццё творчага патэнцыялу асобы кожнага навучэнца;
- усвядомленае разуменне важнасці грамадска- карыснай працы, усвядомлены ўдзел у розных відах грамадскай працы;
- актывізацыя сумеснай дзейнасці школы і сям'і.
